Lyklabox á félagshúsi

Búið er að setja upp lyklaskáp á félagshúsið. Félagsmenn geta haft samband við stjórn eða í tölvupósti: skotfelag[hjá]skyttur.is til að fá kóðann.

Úrslit GæsaSkyttunnar 2016

GæsaSkyttan 2016 var haldin í gærkvöldi og mættu 6 keppendur til leiks. Gekk mótið vel og var mikil spenna til loka mótsins.

Í fyrsta sæti var Erlingur Snær Loftsson
Í öðru sæti var Jonas Fjalar Kristjansson
Í þriðja sæti var Einar Þór Jóhannsson

Óskum við þeim til hamingju með árangurinn.

Þetta mót verður haldið að ári aftur enda voru menn sammála að þetta hafi verið hið skemmtilegasta mót.

Æfing/kynning 50m riffill

Stefnt er á að vera með æfingu/kynningu á 50m riffli á skotsvæðinu á föstudagskvöldið. Spáin er góð.

Félagið á 22LR. riffla með gatasigtum sem henta vel í þessa skotfimi. Einnig eru allir velkomnir með sinn 22LR riffill til að læra grunntækninga í fríhendis skotfimi. Skotið verður liggjandi og gott er að koma með þunna dýnu, t.d. tjalddýnu til að liggja á.

Sjá fróðleik um 50 metra riffill: http://skyttur.is/50metra-riffill

19 ágú 2016 - 19:30

Landsmót í 300 metra riffli.

Í dag var haldið landsmót í 300 metra riffli á skotsvæðinu. Veður var með eindæmum gott og mættu fjórir keppendur til leiks. Gekk mótið vel í alla staði.

Sigurvegari mótsins var Theodór Kjartansson. Í öðru sæti var Hannes Haraldsson og í þriðja sæti var Eiríkur Björnsson.

Fyrir þá sem vilja vita hvernig grein þetta er þá eru skotin 60 skot á 75 mínútum á 300 metra færi. Skotið er úr liggjandi stöðu, með opnum sigtum, svokölluðum díopter sigtum og er skotið fríhendis, en notast er við riffillól, og einnig má nota sérstakan skotklæðnað eins og skothanska og skotjakka.

Fræðandi fyrirlestur hjá Arnóri

Arnór Óli Ólafsson var með mjög áhugaverðan fyrirlestur í gærkvöldi á skotsvæðinu um haglaskotfimi. 6 mættu á námskeiðið og vorum menn mjög ánægðir með þetta. Var þetta góður undirbúningur fyrir leirdúfuvertíð sumarsins. Þökkum við Arnóri kærlega fyrir þetta.

Skotnámskeið í Skeet

Námskeið í skeet skotfimi. Sigurþór R. Jóhannesson, fyrrverandi landsliðsmaður í skeet skotgreininni ætlar að vera með kennslu í skeet skotfimi fyrir félagsmenn. Námskeiðið er um 2.5 klst og er farið yfir helstu þætti skotfiminar. Þetta námskeið er ætlað byrjendum og lengra komna.

Þáttakendur koma með haglabyssu, hlífðargleraugu, eyrnaskjól og góða skapið. Einnig komi menn með skot en gert er ráð fyrri að hver skjóti 75 - 100 skotum að jafnaði. Minnum á að aðeins er heimilt að nota stálhögl á leirdúfuvellinum.

4 jún 2016 - 10:00

Skeet-létt sumarmótið

Innanfélagsmót - skeet-létt sumarmótið

Þetta er mót þar sem keppt er með Skeet-létt fyrirkomulaginu. Hafa félagsmenn möguleika á því að skjóta 10 hringi en þrír bestu telja. Einn hring hvert miðvikudagskvöld í sumar.

Fyrirkomulagið er þannig að einungis má taka einn hring, á hverju opnu kvöldi og verður að tilkynna það áður en leikurinn hefst. Alltaf þarf að vera annar á vellinum til að staðfesta hringinn.

Eftir sumarið eru teknir saman 3 bestu hringirnir og heildarstigin telja.

1 jún 2016 - 21:00

Æfingakvöld -fyrsta sumaropnun

Opið er á miðvikudagskvöldum í sumar frá kl. 19:00 til 22:00.

Þetta er fyrsta opna kvöldið fyrir alla til að hittast og koma sér af stað.

Verður leirdúfuvöllurinn opinn og hægt að vera á riffilbraut. 

Tilvalið að hittast, spjalla og skjóta.

Ef enginn er mættur kl. 20:30 geti þó svæðinu verið lokað svo umsjónamenn þurfi ekki að vera þar einir of lengi.

4 maí 2016 - 19:00

Ný síða

Verið er að smíða nýja síðu fyrir félagið. Er hún keyrð á Drupal kerfi og á að vera hægt að finna allar helstu upplýsingar umfélagið hér og meira til.

Verið er að gera tilraunir með viðburðadagatal svo að hægt sé að setja inn viðburði ásamt fréttum sem verða þá sýnileg á forsíðu

Subscribe to Skotfélagið Skyttur RSS