Skotíþróttafélagið Skyttur - SKS Rangárvallarsýslu

Undirritun samstarfssamnings við Rangárþing eystra

magnus — Fri, 08 Mar 2024 14:23:41 +0000

Undirritun samstarfssamnings við Rangárþing eystra magnus fös, 03/08/2024 - 14:23

Dags

5 mars, 2024

Síðast liðinn þriðjudag undirritaði formaður Skotíþróttafélagsins Skyttur undir samstarfssamning við Rangárþing eystra til þriggja ára.

Samningurinn felur í sér að styðja við áframhaldandi uppbyggingu á barna- og unglingastarfi í skotíþróttum. Rangárþing eystra er heilsueflandi samfélag og er þetta liður í að efla framboð og uppbyggingu á íþróttum í samfélaginu.

VIð erum gríðarlega spennt að halda áfram uppbyggingu á starfinu okkar.

Af aðalfundi 2024

magnus — Fri, 08 Mar 2024 14:09:44 +0000

Af aðalfundi 2024 magnus fös, 03/08/2024 - 14:09

Dags

5 mars, 2024

Aðalfundur var haldin 5. mars síðastliðinn og mættu 9 manns á fundinn. Var hann einnig í beinu streymi á Teams.

Bjarki Eiríksson og Bríet Berndsen gáfu ekki kost á sér til áframhaldandi stjórnarsetu og er þeim þökkuð vel unnin störf.

Stjórnarkjör fór fram samkvæmt venju og koma ný inn í aðalstjórn Jón Ægir Sigmarsson, og Rakel Rún Karlsdóttir kemur inn sem varamaður. Aðrir í stjórn gáfu kost á sér aftur og eru voru því endurkjörin.
Stjórn skipa því Magnús Ragnarsson, formaður, Haraldur Gunnar Helgason, Jóhann Þórir Jóhannsson, Valur Gauti Ragnarsson, Jón Ægir Sigmarsson og varamenn Viðar Rúnar Guðnason og Rakel Rún Karlsdóttir.

Á fundinum var árgjald ákveðið 15.000 kr.

Annars má finna fundargerð aðalfundar undir fundargerðum á síðunni.

Tengt Efni

Fundur

Vorönn í barna og unglingastarfi 2024

magnus — Sat, 03 Feb 2024 15:19:31 +0000

Vorönn í barna og unglingastarfi 2024 magnus Lau, 02/03/2024 - 15:19

Dags

4 janúar, 2024

Barna og unglingastarfið heldur áfram með sama móti og síðasta haustönn.
Æfingar verða í boði tvo daga í viku fyrir 6-9 ára flokk, 10-14 ára flokk og 15-20 ára flokk.

6-14 ára æfa á laserbyssur og 15 ára(Fædd 2009) og upp í 20 ára æfa á loftskammbyssu og loftriffill.

Æfingagjöld fyrir 6-14 ára eru 20.000 önnin fyrir einn dag í viku og 25.000 fyrir 15-20 ára.
Séu keyptir tveir dagar í viku er 50% afsláttur af seinni deginum

Tvö silfur og eitt brons í loftskammbyssu á RIG

magnus — Sat, 03 Feb 2024 15:08:33 +0000

Tvö silfur og eitt brons í loftskammbyssu á RIG magnus Lau, 02/03/2024 - 15:08

Dags

27 janúar, 2024

Þessa dagna fara fram Reykjavíkurleikarnir (RIG) og í dag fór fram keppni í loftskammbyssu.
Skyttur áttu 7 keppendur og þar af tvo í unglingaflokki.

Óðinn Magnússon skaut 502 stig og hafnaði í 2. sæti í unglingaflokki. Elfar Egill Ívarsson skaut 406 stig og hafnaði í 3. sæti í unglingaflokki.
Glæsilegur árangur hjá þeim, þeir eiga svo sannarlega bjarta framtíð í greininni.

Úr undanúrslitum komust Jón Ægir (540) og Magnús (521). Í æsispennandi úrslitakeppni landaði Jón Ægir 2. sæti og Magnús hafnaði í 5. sæti

Einnig kepptu Rúnar Helgi Sigmarsson, Viggó Guðlaugsson og Einar Vignir Baldursson

Undanúrslit má sjá hér: https://sti.is/wp-content/uploads/2024/02/RIG-AP60-Qualification-Urslit…
Úrslit má sjá hér: https://sti.is/wp-content/uploads/2024/02/RIG-AP60-FINAL-Urslitt.pdf

Tengt Efni

Loftskammbyssa

Landsmót

ISSF

Styrkur frá RANNÍS fyrir uppbyggingu í unglingastarfi

magnus — Sat, 03 Feb 2024 14:59:57 +0000

Styrkur frá RANNÍS fyrir uppbyggingu í unglingastarfi magnus Lau, 02/03/2024 - 14:59

Dags

18 janúar, 2024

Skotíþróttafélagið var úthlutað 250.000 kr styrkur frá Rannís til kaupa á skotíþróttabúnaði fyrir barna og unglingastarfi.
Félagði sótti um styrk til uppbyggingar í loftgreinum, með áherslu á loftriffill en félagið hefur hingað til eingöngu verið með æfingar í loftskammbyssu.

Mun þessi styrkur nýtast gríðarlega vel til að byggja upp riffilgreinar hjá félaginu.

Hérna má sjá úthlutun fyrir 2024:
https://www.rannis.is/frettir/uthlutun-ur-ithrottasjodi-2024

Brons í liðakeppni á landsmóti í loftskammbyssu

magnus — Tue, 12 Dec 2023 11:32:45 +0000

Brons í liðakeppni á landsmóti í loftskammbyssu magnus Þri, 12/12/2023 - 11:32

Dags

9 desember, 2023

Góður árangur hjá Skyttum á landsmóti í loftskammbyssu (AP60) sem var haldið af Skotfélag Kópavogs í Digranesi síðastliðna helgi. Skyttur (SKS) sendu 5 keppendur á mótið:
Jón Ægir Sigmarsson
Magnús Ragnarsson
Emil Kárason
Rúnar Helgi Sigmarsson
Viggó Rósen Guðlaugsson.
A-lið SKS (Jón Ægir, Magnús Ragnarsson og Emil Kárason) unnu bronsið með 1516 stigum en 5 lið kepptu á mótinu.
Magnús og Jón Ægir komust í úrslit (8 efstu) og var keppt í óformlegum úrslitum á mótinu og vann Magnús úrslitakeppnina eftir æsispennandi keppni.
Jón Ægir og Rúnar Helgi skutu sig upp í 3. flokk á mótinu.
Á mótinu var Jórunn Harðardóttir frá Skotfélagi Reykjavíkur í 1. sæti, Ívar Ragnarsson frá Skotíþróttafélagið Kópavogs í 2. sæti og Jón Þór Sigurðsson frá Skotíþróttafélagi Kópavogs í 3. sæti.
Adam Ingi Höybye Franksson frá Skotíþróttafélagi Kópavogs vann gull í unglingaflokki.
Ljósmyndir: Jóhann A. Kristjánsson

Tengt Efni

Landsmót

Loftskammbyssa

Vetrardagsskrá haust 2023

magnus — Sat, 26 Aug 2023 09:16:56 +0000

Vetrardagsskrá haust 2023 magnus Lau, 08/26/2023 - 09:16

Dags

24 ágúst, 2023

Hauststarfið er að hefjast og er hér dagsskrá haustsins í loftsalnum.

Boðið er uppá æfingar með laserrifflum fyrir 6-14 ára og með loftskammbyssum fyrir 15-20 ára.
Einnig eru i boði sérstakir æfingatímar í loftskammbyssu fyrir fullorðna með þjalfara.
Skráning á æfingum fer fram á Sportabler

Stefnt er að því að opið verði fyrir áskrifendur að loftsal á mánudögum, miðvikudögum og fimmtudögum frá 19:15.
Þar sem aðeins eru 5 brautir þarf að skrá sig á Sportabler Classes til að panta braut.

Verklegir tímar á Geitasandi

magnus — Sat, 19 Aug 2023 11:44:51 +0000

Verklegir tímar á Geitasandi magnus Lau, 08/19/2023 - 11:44

Dags

19 ágúst, 2023

Þeir sem hyggjast taka skotvopnanámskeið í haust geta nú valið að taka verklega hlutann á skotvæðinu Geitasandi.

Það verða verklegir tímar 27. ágúst, 10. september og 10. október.

Hægt er að sjá næstu námskeið hér:Umhverfisstofnun | Næstu námskeið (ust.is)

Tengt Efni

Námskeið

Úrslit fyrsta Skeet létt paramótsins

magnus — Fri, 07 Jul 2023 21:10:18 +0000

Úrslit fyrsta Skeet létt paramótsins magnus fös, 07/07/2023 - 21:10

Dags

6 júlí, 2023

Skeet létt paramótið var haldið í frábæru veðri og mættu 4 lið til keppni. Keppnin var hörð og jöfn og urðu úrslitin eftirfarandi:

Bjarki Rúnarsson og Einar Magnús Einarsson urðu í 1. sæti með 57 stig.
Arnór Óli Ólafsson og Kristinn Ingi Austmar Guðnason urðu í 2. sæti með 56 stig.
Hrafn Erlingsson og Kristján Hrafn Arason urðu í 3. sæti með 55 stig.

Nokkrir voru að keppa á sínu fyrsta móti og var þetta mikil reynsla í bankann fyrir þá.

Næsta mót verður 10. ágúst

Tengt Efni

Skeet-létt

Innafélagsmót

Bríet og Bjarki með gull og silfur á SÍH Open í Skeet

magnus — Fri, 07 Jul 2023 20:59:26 +0000

Bríet og Bjarki með gull og silfur á SÍH Open í Skeet magnus fös, 07/07/2023 - 20:59

Dags

2 júlí, 2023

Bríet Berndsen og Bjarki Rafnsson úr Skyttum kepptu í unglingaflokki SÍH Open mótin í skeet sem Skotíþróttafélag Hafnafjarðar stóð fyrir helgina 1. - 2. júlí.

Voru þau með gull og silfur og er þetta þriðja mót Bríetar og fyrsta mótið sem Bjarki keppir á. Stóðu þau sig vel og eru þau metnaðarfull í skeet íþróttinni.

Óskum við þeim til hamingju með árangurinn.

Tengt Efni

Skeet

STÍ

ISSF