Öryggisreglur

Skotíþróttafélagið Skyttur

Öryggisreglur

Allir sem stunda æfingar eða koma á æfingastað hjá félaginu er á eigin ábyrgð gagnvart öryggisreglum.

Grunnreglurnar:

Allar byssur skulu ávallt vera meðhöndlaðar sem hlaðnar.
Alltaf skal beina hlaup í örugga átt.
Aldrei skal setja fingur á gikk eða inn fyrir gikkbjörg fyrr en komið er í skotstöðu.
Ávalt skal kanna bakland og að brautin sé örugg.

Koma skal með byssur í töskum þegar komið er með þær á skotsvæðið.

Óheimilt er að hlaða skotvopn fyrr en komið er á skotlínu eða skotstað. Skotmaður skal hafa byssu opna og setja flagg í lás eða þráð í gegnum hlaup þegar hann skilur við hana.

Þegar farið er fram fyrir skotlínu, svo sem til að skipta um skotskífur er með öllu óheimilt að handleika eða koma við byssur sem eru á skotlínu og skal tryggt að þær séu óhlaðnar sbr. 4. gr.

Aðeins er heimilt að skjóta á viðurkennd skotmörk í viðurkennda skotstefnu.

Skylt er að nota heyrnahlífar og öryggisgleraugu á skotsvæði.

Þegar tveir eða fleirri eru við æfingar í einu skal skipa æfingastjóra. Æfingastjóri stjórnar skotæfingum og ber ábyrgð á að reglum sé framfylgt og er skotmönnum skylt að hlýða fyrirmælum hans.

Aðeins æfingastjóri heimilar skotmanni að taka sér stöðu með byssu, hlaða og skjóta.

Ef skotmaður þarf að meðhöndla byssu á einhvern hátt utan skotsvæðis skal fá til þess leyfi æfingarstjóra.

Óheimilt er að hafa ólar á haglabyssum sem notaðar eru á leirdúfuvelli.

Einungis er heimil notkunn skráðra skotvopna á skotsvæðinu og hverjum skylt að sýna skotvopnaleyfi og/eða félagsskírteini sé þess óskað.

Bannað er að skjóta á fugla eða önnur dýr á skotsvæðinu.

Öryggisreglur sem ganga lengra í einstaka skotgrein, skulu gilda á viðkomandi æfingu eða keppni.

Öll meðferð eða notkun áfengis eða annara vímuefna er stranglega bönnuð á skotsvæðinu.

Verði slys skal hringja í 112. Tilkynna skal lögreglu um öll slys sem verða á skotsvæðinu.

Brot á reglum þessum getur varðað áminningu, brottrekstri af svæðinu og/eða kæru til lögreglu ef um lögbrot er að ræða.