Góð mæting var í dag þegar félagið var með opið hús og var nýtt skothús til sýnis og heitt á könnunni. Á þriðja tug manns mættu að skoða og prófa aðstöðuna í blíðskaparveður sem var á svæðinu. 

Stefnt er að því að hafa opið á svæðinu fljótlega aftur.

Nokkrar myndir frá deginu í dag fylgja hér.

Íslandsmeistaramót í loftskammbyssu var haldið í dag í Eigilshöll.

Þrír keppendur mættur frá Skyttum. Stefán Ragnarsson, Bjarki Rúnarsson og Elín Kristín Ellertsdóttir.

Elín varð Íslandsmeistari í stúlknaflokki í loftskammbyssu.

Stefán Ragnarsson varð Íslandsmeistari í byrjendaflokki í loftskammbyssu.

Bjarki hafnaði í 4. sæti í 3. flokki

Þetta er því frábær árangur að landa tveimur Íslandsmeistaratitlum á Íslandsmóti.

Við óskum okkar keppendum til hamingju með frábæran árangur.

Vel heppnað opið innanlandsmót í loftgreinunm var haldið af Íþróttafélaginu Skyttum á Hvolsvelli og var það haldið í íþróttamiðstöðinni á Hvolsvelli.

23 keppendur voru skráðir á mótið frá fjórum íþróttafélögum. Mótið heppnaðist vel í alla staði.

Um síðustu helgi sendu Skyttur lið á landsmót í staðlaðri skammbyssu og sport skammbyssu.

Í staðlaðri skammbyssu sem var haldið í Egilshöll 07.febrúar hafnaði lið Skyttna í 2. sæti í liðakeppni.

Í sport skammbyssu sem var haldið í Digranesi 08. febrúar hafnaði lið Skyttna í 3. sæti í liðakeppni og Magnús Ragnarsson hafnaði í 2. sæti í einstaklingskeppni með 525 stig.
Úrslit

Þann 30.01.2026 var samstarfssamningur milli Skyttna og Ásahrepps undirritaður.

Samningurinn tryggir að Skyttur geta elft bara og unglingastarf á svæðinu og haldið úti öflugra starfi og skuldbindur Ásahreppur sig til að styðja við félagið.

Á mynd eru Haraldur Gunnar Helgason, varaformaður hjá Skyttum og Valtýr Valtýrsson, sveitastjóri Ásahrepps að lokinni undirritun.

Æfingaáætlun fyrir haustið 2025 komin út. Unglingastarfið byrjar í þessari viku og opnir tíma í loftsal koma inn á næstu dögum. Einnig verður byrjendanámskeið í loftskammbyssu sem hefst í næstu viku, bæði fyrir unglinga og fullorðna. Eitthvað fyrir alla. Skráning fer fram í vefverslun Abler.

https://abler.io/shop/skyttur

Framkvæmdir á riffihúsi ganga vel. 

Búið er að reisa veggina og klára þakið. Búið er að loka því til bráðabirgða og setja bráðabirgða lúgur. Von er á endanlegum gluggum og hurðum í haust. 

Mikill munur er strax á því að búið er að loka húsinu. Inni eru 3 borð og liggjandi aðstaða.

Nokkrar myndir fylgja með.

Næstu verk eru að laga til í nánasta umhverfi riffillhússins og vinna gegn sandburðinum ásamt því að bæta skotbatta í samræmi við riffillhúsið. Stefnt er að því að klárað verði að loka húsinu almennilega í haust.

Rúnar Helgi Sigmarsson keppti á Íslandsmeistaramóti í loftskammbyssu um helgina. Varð hann í 2. öðru sæti í karlaflokki með 545 stig á mótinu og varð Íslandsmeistari í 1. flokki karla.

Ívar Ragnarsson SFK sigraði mótið með 560 stigum og Bjarki Sigfússon SFK hafnaði í 3. sæti með 538 stig

Í kvennaflokki sigraði Jórunn Harðardóttir SR með 548 stig, Maria Lagoo SFK varð 2.  með 534 stig og Aðalheiður Lára Guðmundsdóttir SSS í 3. með 518 stig.

Byrjað var að reisa riffillhúsið í síðustu viku og gekk vel. Unnið verður við það og er stefnt að því að klára að loka því á næstu dögum og klæða það í sumar. 

Til hefur staðið að þegar húsið verður klárt verða greidd æfingagjöld í húsið í formi mánaðargjalds til að standa undir rekstri og betrumbótum á riffillvellinum.

Við höfum ákveðið að bjóða strax uppá að félagsmenn geta skráð sig í áskrift en hægt verður að nýta aðstöðuna að hluta þegar búið er að loka húsinu. 

Vinna hefur verið í gangi við hönnun og byggingu á riffillhúsi á Geitasandi síðastliðin ár.  Búið er að steypa sökkull og er búist við að húsið verði reist í vor.