Námskeiðið eru 4 kvöld,  miðvikudaginn 19. fimmtudaginn 20. mánudaginn 24. og miðvikudaginn 26. júlí en æfingarnar eru frá kl. 18:00 til 20:00 á skotíþróttasvæðinu Geitasandi

Farið verður yfir grunnatriði í halgabyssugreinum með áherslu á Skeet. Skeet er ólympísk skotgrein og verður farið í grunnatriði í skotfimi og fá þáttakendur leiðsögn við skotfimina hjá þjálfurum.

Æfð verða grunnatriði í skeet skotfimi, tækniatriði, staða og annað sem viðkemur íþróttinni

Innifalið eru skot og lán á tvíhleypu.

Núna munu verða opin æfingakvöld á þriðjudögum á skotsvæðinu frá kl. 19 þannig að núna er tíminn til að mæta og æfa sig hvort sem er á haglabyssuna eða riffillinn.

Tvö haglamót eru framundan en hægt er að sjá þau í viðburðadagatalinu hjá okkur og á sportabler.

Það er því ekki seinna vænna en að byrja æfingar :)

Sjá verðskrá hér: Verðskrá | Skotíþróttafélagið Skyttur

Stórum áfanga var náð á þriðjudag þegar platan á riffillhúsinu var steypt. Núna getur riffillvöllur aftur farið í fyrra horf eftir að hafa verið mikið framkvæmdasvæði síðasta árið og ekki nýst sem skyldi.

Næstu dagar fara í að koma upp borðum á plötunni og laga til í kringum plötuna. Erum við hrikalega ánægðir með að þetta hafðist og þökkum þeim félagsmönnum sem lögðu hönd á plóg til þess að þetta tækist.

Íslandsmót í loftskammbyssu var haldið í dag í Egilshöll  og áttum við 8 keppendur og eigum Íslandsmeistara, gull, silfur og brons eftir þetta mót.

Skotíþróttafélagið Skyttur átti sex keppendur á landsmóti í loftskammbyssu sem haldið var í Digranesi laugardaginn 18. mars 2023.

Aldrei hefur skotfélagið Skyttur átt fleiri keppendur á móti. Fjórir keppendur voru á sínu fyrsta móti og keppti félagið jafnframt í fyrsta skipti í liðakeppni. 

Elín Kristín Ellertsdóttir fékk silfur í stúlknaflokki og skaut 428 stig. Hún var að keppa á sínu fyrsta móti með glæsilegum árangri. Elín byrjaði að æfa loftbyssu í unglingaflokki í febrúar.

Í dag byrjuðum við að flytja inn í nýjan loftsal félagsins á Hvolsvelli og að setja upp loftbrautirnar.

Rangárþing Eystra hefur útvegað okkur frábærum sal fyrir innistarfsemi félagsins og byrjuðum við í dag að koma aðstöðunni upp. 

Um er að ræða loftsal með 5 brautum fyrir loftskammbyssur og loftriffla. 4 af 5 brautum notast við rafeindaskotmörk og verður þetta algjör bylting í starfssemi félagsins.

Við munum kynna þetta betur fyrir félagsmönnum þegar nær dregur og verður auglýstur opnunardagur þar sem við munum kynna aðstöðua.

Núna er æfinga og keppnisfatnaður félagsins fáanlegur en við erum í samstarfi við Jako Sport á Íslandi og er hægt að panta merktan fatnað beint frá þeim.

Erum við mjög ánægð með útlitið á fatnaðinum

Hægt er að panta fatnaðinn hér: Skotfélagið Skyttur Flokkur - JakoSport.is

Einnig bendum við á að hægt er að panta leirdúfuvesti félagsins í verslun okkar á Sportabler.

Opnað hefur verið fyrir skráningar í vorönn 2023 í ungmennastarfi. Skipt er í þrjá flokka. 6-9 ára, 10-14 ára og 15-20 ára.

Skráning fer fram á https://sportabler.com/shop/skyttur

Við byrjum með æfingar einusinn í viku 16. janúar fram í miðjan maí.

Æfingar munu verða í nýjum skotsal sem staðsettur er undir Krónunni á Hvolsvelli.

Gleðilegt nýtt ár!
Við sendum félagsmönnum, iðkendum og öllu skotíþróttafólki hugheilar nýárskveðjur og þökkum fyrir það gamla.

Síðastliðið ár er eitt það viðburðaríkasta í sögu félagsins frá stofnun þess í lok árs 2008 og horfum við björtum augum til ársins 2023 að það verði enn viðburðarríkara.

Landsmót STÍ í 50 metra liggjandi riffli fór fram í Egilshöllinni í dag. Í drengjaflokki bætti Óðinn Magnússon frá Skyttum eigið Íslandsmet með 566,2 stig og hlaut gullið. Í karlaflokki sigraði Jón Þór Sigurðsson úr SFK með 626,0 stig, Guðmundur Valdimarsson úr SÍ varð annar með 608,9 stig og þriðji Guðmundur Helgi Christensen úr SR með 606,2 stig. Í stúlknaflokki hlaut Karen Rós Valsdóttir úr SÍ gullið með 522,4 stig.  Nánar á úrslitasíðu STÍ.