Á þriðjudagskvöldið næsta verður opið kvöld þar sem Veiðibúðin GunniSig mun vera með kynningu á vörum frá sér og þá sér í lagi haglabyssur í Syren línunni sem eru sérsmíðaðar með konur í huga.
Því eru konur sérstaklega hvattar til að mæta og kynna sér hvað er í boði og jafnframt að kynna sér skotíþróttir eins og skeet.
Þjálfarar á staðnum sem munu leiðbeina og kynna íþróttina fyrir þeim sem áhuga hafa.
Allir velkomnir og heitt á könnuni.

Leitum að áhugasömum einstakling til að þjálfa og sjá um bogfimideildina hjá okkur

Byrjendanámskeið fyrir unglinga í haglagreinum. Ætlað 15-21 ára. Þeir sem verða 15 ára á árinu geta skráð sig.
Námskeiðið er fyrir byrjendur og verður bæði bóklegt og verklegt. Það samanstendur af fræðslu í formi fyrirlestra um helstu íþróttir eins og skeet og sporting, fræðsla um búnaðinn og svo verklegar æfingar sem bæði felast í þurræfingum og svo að skjóta á leirdúfur undir leiðsögn.
Námskeiðið er 4 skipti, á þriðjudögum og fimmtudögum og byrjar kl. 18:30 til 20:00 á skotíþróttasvæðinu Geitasandi.

Skráning á fyrstu sumarnámskeiðin er opin. Við verðum með námskeið fyrir krakka á aldrinum 6-14 ára og 15-20 ára í sumar. Fyrsta námskeiðið verður vikuna 3.-7.júní en fleiri munu bætast við.
Námskeið fyrir 6-14 ára með laser byssum og fyrir 15-20 ára í haglagreinum.
Skráning á Sportabler
https://www.abler.io/shop/skyttur

Sjö keppendur kepptu fyrir Skyttur á Íslandsmóti í loftskammbyssu í dag.
Rúnar Helgi Sigmarsson lenti í 2. sæti eftir æsispennandi úrslit í karlaflokki og Guðbjörg Viðja Antonsdóttir hafnaði í 3. sæti í kvennaflokki. Keppt var í úrslitum í karla og kvennaflokki og erum við afar stolt af því að vera með verðlaunasæti bæði hjá körlum og konum.
Skyttur voru með tvö lið, annarsvegar A lið í karlaflokki og A lið í kvennaflokki. Fengu bæði liðin silfur.
Á Íslandsmóti er einnig keppt í flokkum en fengum við nokkur gull og silfur þar.

Í gær komu til okkar þjalfarar frá Norska skotsambandinu að fylgjast með æfingu hjá okkur, en þau eru í heimsókn hér á landi í gegnum @skotkop að kynna sér starfið hér á landi.

Gátu þau gefið okkur mörg góð ráð og skrifuðu einnig niður hluti sem þeim fannst áhugaverðir. Við vorum með æfingar bæði í laser byssum og svo loftbyssum.

Úrsliti í innanfélagsmótinu í loftskammbyssu liggja fyrir. 8 keppendur mættu til leiks. Jón Ægir Sigmarsson átti hástökkið en hann setti sitt persónulega mótamet og hæsta stigafjölda sem skotin hefur verið á móti hjá okkur, 549 stig! Einnig tóku tveir nýliðar þátt mótinu, Guðbjörg Viðja og Elías Arnþór Sigurðsson.

Mótið var haldið frá 18. -21. mars og var einn riðill hvert kvöld. Þetta var skemmtileg nýbreytni að taka mót á þennan hátt.

Síðast liðinn þriðjudag undirritaði formaður Skotíþróttafélagsins Skyttur undir samstarfssamning við Rangárþing eystra til þriggja ára.

Samningurinn felur í sér að styðja við áframhaldandi uppbyggingu á barna- og unglingastarfi í skotíþróttum. Rangárþing eystra er heilsueflandi samfélag og er þetta liður í að efla framboð og uppbyggingu á íþróttum í samfélaginu.

VIð erum gríðarlega spennt að halda áfram uppbyggingu á starfinu okkar.

Aðalfundur var haldin 5. mars síðastliðinn og mættu 9 manns á fundinn. Var hann einnig í beinu streymi á Teams.

Bjarki Eiríksson og Bríet Berndsen gáfu ekki kost á sér til áframhaldandi stjórnarsetu og er þeim þökkuð vel unnin störf.

Félagsmóti lokið í loftskammbyssu.
Mótið var mjög spennandi. 8 mættu til mótsins að þessu sinni.
Úrslit mótisins er hægt að skoða hér fyrir neðan.
Hástökkvari mótsins er Rúnar Helgi Sigmarsson og nýliðar mótsins eru Stefán Smári Ásmundarson og Benedikt Bjarni Níelsson sem báðir voru að keppa á sínu fyrsta móti í loftskammbyssu með glæsilegan árangur.