Uppfært
Vegna breytinga á skotvopnalögum hefur þessu verið breytt og neðangreind tilvísun í reglugerð er fallin úr gildi. Dómsmálaráðuneytið hefur ekki gefið út nýja reglugerð.
Úr lögunum eftir breytingar:
Í D-flokk skotvopna falla íþróttaskammbyssur og íþróttarifflar. Ráðherra skal setja í reglugerð ákvæði um hvaða skotvopn falla hér undir.
1. Lögreglustjóra er heimilt að veita einstaklingi skotvopnaréttindi D sem er með og hefur haft skotvopnaréttindi C í tvö ár þar á undan og hefur verið virkur meðlimur í viðurkenndu skotfélagi. Ráðherra er heimilt að setja skilyrði um námskeið og próf sem viðkomandi þarf að hafa lokið.
2. Einstaklingur sem er með skotvopnaréttindi D hefur heimild til að nota skotvopn sem falla í D-flokk til íþróttaiðkunar.
3. Lögreglustjóra er heimilt að veita einstaklingi með skotvopnaréttindi D leyfi til að eiga vopn í D-flokki til íþróttaiðkunar.
Eftirfarandi texti er ógildur eins og er.
D leyfi þarf til að eiga skammbyssur og hálfsjálfvirka riffla í .22LR.
Eftirfarandi skilyrði þarf að uppfylla til að getað öðlast D-leyfi og er vísaði í Reglugerð um skotvopn, skotfæri o.fl. 787/199
11. Grein
Leyfi fyrir skammbyssu og riffli til iðkunar skotfimi.
Einstaklingur sem óskar eftir leyfi til að eignast skammbyssu eða hálfsjálfvirkan riffil til iðkunar skotfimi (flokkur D) skal:
1. Hafa haft aukin skotvopnaréttindi skv. 3. gr. (flokkur B) í eitt ár,
2. vera virkur meðlimur í viðurkenndu skotfélagi og hafa stundað reglulegar æfingar í viðurkenndum keppnisflokki í tvö ár og ekki gerst brotlegur við umgengnis- og öryggisreglur félagsins. Framangreindar upplýsingar skulu staðfestar af stjórn félagsins þar sem fram komi upplýsingar um æfingar, keppni og ástundun umsækjanda.
Leyfi fyrir skammbyssu, þ.m.t. loftskammbyssuog hálfsjálfvirkum riffli, skal gefið út með eftirfarandi skilyrðum:
1. Að skotvopnið verði einvörðungu notað við æfingar og keppni í viðurkenndum keppnisflokkum á viðurkenndum skotsvæðum skotfélaga.
2. Að skotvopnið sé annars geymt í traustum hirslum.
3. Að hætti umsækjandi iðkun skotíþrótta megi afturkalla leyfi.
Stjórn skotfélagsins skrifar uppá umsögn séu þessi skilyrði uppfyllt og hægt sé að staðfesta að umsækjandi hafi stundað æfingar á skotsvæðinu. Stjórn félagsins tekur afstöðu til umsókna á stjórnarfundum í samræmi við ofangreindar reglur.