Árið 2024 var ár vaxandi krafts og uppbyggingar hjá Skotíþróttafélaginu Skyttum. Félagið hélt áfram að styrkja stöðu sína sem leiðandi afl í skotíþróttum, með áherslu á barna- og unglingastarf, bætt aðstöðu og keppnisárangur.

Dagsskrá vorannar í skotíþróttum er komin út. Hægt er að skanna qr kóðann til að fara inná Abler síðuna eða fara inná https://abler.io/shop/skyttur
Þau sem eru forvitin geta mætt í tíma til að fylgjast með og fá að prófa út janúar.

Á þriðjudagskvöldið næsta verður opið kvöld þar sem Veiðibúðin GunniSig mun vera með kynningu á vörum frá sér og þá sér í lagi haglabyssur í Syren línunni sem eru sérsmíðaðar með konur í huga.
Því eru konur sérstaklega hvattar til að mæta og kynna sér hvað er í boði og jafnframt að kynna sér skotíþróttir eins og skeet.
Þjálfarar á staðnum sem munu leiðbeina og kynna íþróttina fyrir þeim sem áhuga hafa.
Allir velkomnir og heitt á könnuni.

Leitum að áhugasömum einstakling til að þjálfa og sjá um bogfimideildina hjá okkur

Haustönn hjá Skyttum liggur núna fyrir. Við verðum með skotskóla fyrir 2.-4 bekk og skotfimi fyrir 5.-9. bekk. Bæði er á laserbyssur. Einnig verða æfingar í loftskammbyssu og loftriffli fyrir 15 - 20 ára (10. bekk) í vetur.
Æfingar hefjast 2. september en boðið verður uppá kynningartíma síðustu vikuna í ágúst sem verður auglýst nánar. Æfingar fara fram í skotsalnum okkar á Hvolsvelli.
Skráning fer fram á abler.io/shop/skyttur

Skráning á fyrstu sumarnámskeiðin er opin. Við verðum með námskeið fyrir krakka á aldrinum 6-14 ára og 15-20 ára í sumar. Fyrsta námskeiðið verður vikuna 3.-7.júní en fleiri munu bætast við.
Námskeið fyrir 6-14 ára með laser byssum og fyrir 15-20 ára í haglagreinum.
Skráning á Sportabler
https://www.abler.io/shop/skyttur

Sjö keppendur kepptu fyrir Skyttur á Íslandsmóti í loftskammbyssu í dag.
Rúnar Helgi Sigmarsson lenti í 2. sæti eftir æsispennandi úrslit í karlaflokki og Guðbjörg Viðja Antonsdóttir hafnaði í 3. sæti í kvennaflokki. Keppt var í úrslitum í karla og kvennaflokki og erum við afar stolt af því að vera með verðlaunasæti bæði hjá körlum og konum.
Skyttur voru með tvö lið, annarsvegar A lið í karlaflokki og A lið í kvennaflokki. Fengu bæði liðin silfur.
Á Íslandsmóti er einnig keppt í flokkum en fengum við nokkur gull og silfur þar.

Í gær komu til okkar þjalfarar frá Norska skotsambandinu að fylgjast með æfingu hjá okkur, en þau eru í heimsókn hér á landi í gegnum @skotkop að kynna sér starfið hér á landi.

Gátu þau gefið okkur mörg góð ráð og skrifuðu einnig niður hluti sem þeim fannst áhugaverðir. Við vorum með æfingar bæði í laser byssum og svo loftbyssum.

Byrjendanámskeið fyrir unglinga í haglagreinum. Ætlað 15-21 ára. Þeir sem verða 15 ára á árinu geta skráð sig.
Námskeiðið er fyrir byrjendur og verður bæði bóklegt og verklegt. Það samanstendur af fræðslu í formi fyrirlestra um helstu íþróttir eins og skeet og sporting, fræðsla um búnaðinn og svo verklegar æfingar sem bæði felast í þurræfingum og svo að skjóta á leirdúfur undir leiðsögn.
Námskeiðið er 4 skipti, á þriðjudögum og fimmtudögum og byrjar kl. 18:30 til 20:00 á skotíþróttasvæðinu Geitasandi.

Félagið fór í það að kaupa 6 notaðar loftbrautir fyrir loftsalinn. Til stendur að stækka hjá okkur og fara næstu vikur í að undirbúa það. Brautirnar eru af sömu gerð og fyrir voru en þó með led lýsingu og litaskjám. Þær eru einnig búnar liftum sem þýðir að hægt verður að stilla hæðina á þeim fyrir liggjandi loftriffill og loftriffill í hnéstöðu.